شیخ نعمان فلاحی کے دروس سے ہمیں بہت کچھ حاصل کرنے کو ملا ہے اور اپنی علمی صلاحیت کے اندر بہت فرق محسوس ہوا ہے،اس کورس میں ہم نے فقہ اسلامی کی باریکیوں اور اس کی گہرائیوں کو سیکھا ہے، اور ہمیں اب جا کر اس بات کا علم ہوا ہے کہ دین کے متعلق چھوٹی چھوٹی چیزوں کو نہ جاننے سے ہم کتنی بڑی بڑی غلطیوں کے مرتکب ہو سکتے ہیں۔

الحمدللہ، اللہ کا شکر ہے کہ اس نے ہمیں اس ادارے کا طالب علم بننے کا موقع دیا ،اور ساتھ ہی شیخ نعمان قطب فلاحی جیسے بہترین استاد کا شاگرد بنایا، شیخ کے پڑھانے کا طریقہ بہت ہی پرکشش ہے، شیخ اپنے دروس میں کوشش کرتے ہیں کہ مسائل اور انکے اختلافات کے درمیان طلبہ کو جمع و تطبیق کی راہ بتائیں اور مسلکی تعصب میں پڑنے سے طلبہ کو محفوظ رکھیں ۔

شیخ اسامہ فلاحی کے سیرت کورس میں ہمیں سیرت کے متعلق وہ نکات حاصل ہوئے جو اگر ہم کورس میں شرکت نہ کرتے تو شاید ہی ہمارے لیے ممکن ہوتا، شیخ کے درس دینے کا طریقہ بہت دلچسپ ہے، جس کی وجہ سے تمام طلبہ ان لائن کلاسز کے باوجود بھی دلچسپی سے کلاس میں شرکت کرتے ہیں۔

شیخ نعمان قطب فلاحی، میرے لیے استاد ہی نہیں بلکہ ایک مربی کی حیثیت رکھتے ہیں، آپ کا تدریس کا طریقہ بہت منفرد ہے،جس سے فقہ اسلامی جیسے مشکل اور دقیق موضوع بھی آسان معلوم ہوتے ہیں، جن میں مسائل اور اختلافات کی ایک لمبی فہرست موجود ہے،شیخ کا مطالعہ حالات حاضرہ اور جدید مسائل پر بھی گہرا ہے، جس سبب ہمیں نصاب سے زائد اور مفید سیکھنے کو ملتا ہے، آپ کی ہر درس میں یہ کوشش رہتی ہے کہ ہم(طلبہ)صرف حصول علم پر اکتفا نہ کریں اس لیے آپ جا بجا رہنمائی فرماتے رہتے ہیں کہ ہم اپنے علم کو اپنی روزانہ کی زندگی میں کیسے لاگو کرسکتےہیں، میری ان طلبہ سے پوری گزارش رہے گی جو دین کے علم کو حاصل کرنے میں سنجیدگی رکھتے ہیں کہ وہ اس بہترین موقع کو ہرگز نہ گوائیں اور شیخ کے کورسز میں ضرور داخلہ لیں۔